شايفاكي يا مصر شامخة الجبين
راياتك مرفوعة وترفرف في الايد
لا ظالم ولا فاسد هيشم هواكي
ولا يحلم حتي يدوس علي ترابك
ده اللي عدي فات وماضي واللي جاي
هو الحاضر
حاضر وشاهد علي التغير وهينكتب في التاريخ
تغير جديد بأجمل ايد.. أيد ولادك الاحرار
شايلين روحهم علي ايديهم ولا خايفين من الجبار
ده الجبار هو اللي جبان برصاصه ضربهم المحتال
لا يراعي ضميره ولا يخاف في يوم تيجي عليه الايام
دلوقتي يا ظالم جه يومك تتحاسب فيه وتتهان
ده في عصرك استشهد كتير علي أرضك
شباب...أطفال في عمر الزهور كانوا عارفين الحرية
حرية..كرامة..انسانية..وكمان عدالة اجتماعية
كانت مطالبهم مشروعة ده كانت مطالب الحرية
يا مصر هتفضلي دايما رافعة راسك وقوية
طول ما فيكي شبابك اللي صنع الحــــــــــــــــــــرية
يا مصـــــــــــــــــــــر يا أغلي ما لـــــــــــــــــــيــــــــــا
ليست هناك تعليقات :
إرسال تعليق
الله عليك اخي ما اجمل هذه الكلمات المعبرة تسلم الايادي يا غالي